АНУ-д коронавирусний халдвараар нэг өдөрт нас барсан хүний тоо анх удаа 500 давлаа гэж CNN телевиз мэдээлжээ. 

Зөвхөн даваа гарагт гэхэд АНУ-д коронавирусний халдвар авсан хүмүүсийн 502 нь нас барсан байна. Энэ нь тус улсад өдөрт бүртгэгдсэн нас баралтын хамгийн өндөр үзүүлэлт аж. АНУ-д нас барсан тохиолдлын нийт тоо 2931 болж өссөн гэж CNN телевиз мэдээлжээ.

Харин тус улсад коронавирусний халдвар авсан хүний тоо 160 мянга давж, 2978 хүн нас барсан бол 5644 хүн эдгэрсэн байна гэж Жонс Хопкинсийн нэрэмжит их сургууль мэдээлжээ.