Энэтхэгт коронавирусний халдвар илэрсэн хүний тоо даваа гаргийн өглөөний байдлаар 1024-т хүрсэн тухай тус улсын Эрүүл мэнд, гэр бүлийн сайн сайхан аж байдлын яам мэдэгджээ.

Цаашид алслагдсан тойргуудаас мэдээлэл ирэх үед энэ тоо нэмэгдэж магадгүй байна.

Халдвар авсан хүмүүсийн 48 нь гадаадын иргэн байжээ. Энэтхэгт коронавирусний халдвар авсан 96 хүн эдгэрсэн бол 27 хүн нас баржээ.

Дөрөвдүгээр сарын 14 хүртэл онцгой дэглэмийн арга хэмжээнүүдийг хатуу дагаж мөрдөхийг Энэтхэгийн Ерөнхий сайд Нарендра Моди бүх муж улсын болон холбооны нутаг дэвсгэрүүдийн эрх баригчдад уриалжээ.