Испани улсад сүүлийн 24 цагийн хугацаанд 838 өвчтөн нас барж,  нэг өдрийн дотор хамгийн олон хүнээ алдсан байна.

Тус улсын эндэгдлийн нийт тоо 6,528 хүрсэн бол халдварын тохиолдлын тоо 78,797 хүрсэн байна.

Испани улс эндэгдлийн тоогоороо дэлхийд зөвхөн Италийн дараа бичигдэж, бүртгэгдсэн халдварын тоогоор АНУ, Итали, Хятадын дараа орох муу үзүүлэлттэй байгаа юм.

Covid-19 өвчнөөр нас барагсдын шарилыг тээвэрлэхэд тус улсын зэвсэгт хүчнийг дайчлах болсноо Испани эрх баригчид мэдэгджээ.

Испани улсад хэрэгжиж байгаа хөл хорионы дэглэмийг хоёр долоо хоногоор буюу дөрөвдүгээр сарын 11 хүртэл сунгах шийдвэрийг парламент нь өчигдөр гаргасан байна.