Дэлхий даяар тархаад буй аминд халтай коронавирусний халдварын улмаас Италид 50 орчим санваартан нас баржээ. 

Европ тивийн коронавирусийн тархалтын хамгийн том төв болоод байгаа Итали улсад өчигдөр 683 өвчтөн нас барж, 5,210 халдварын шинэ тохиолдол бүртгэгджээ. Тус улсад халдварын улмаас нас барсан хүний тоо 7000 давсан байна.

Ромын пап Францис халдварын улмаас нас барсан эмнэлгийн ажилтнууд, санваартнуудын төлөө мягмар гарагт залбирал үйлдэх үеэрээ өвчтэй хүмүүст үйлчилж, баатарлаг үлгэр жишээ үзүүлсэнд талархал илэрхийлсэн байна.