Шинэ коронавирусний халдварын тархалт хумигдсантай холбоотойгоор БНХАУ-ын Хубэй мужид ажилласан эмнэлгийн 21046 ажилтан гэртээ харьлаа гэж тус улсын Эрүүл мэндийн газрын удирдлагууд мэдээлжээ.

Халдварын голомт байсан Ухань хотод эмнэлгийн 139 багийн 16558 ажилтан ажилласан хэвээр байгаа аж. Тус хотод шинээр байгуулсан 14 түр эмнэлэг, эмнэлгийн зориулалтаар ашигласан долоон байгууламжид ажиллаж байсан 41 багийн ажилтан энэ сарын 17-нд гэртээ харьсан юм.

Хятад улсад мягмар гаргийн оройны байдлаар 81218 хүн халдвар авч, 3281 хүн нас барж, 73650 хүн эдгэрчээ.