Хятадын эх газарт шинээр коронавирусний халдвар авсан 39 тохиолдол өчигдөр буюу пүрэв гарагт бүртгэгдсэн бөгөөд эдгээр нь бүгд гадны улс орноос ирсэн хүмүүс байсан гэдгийг тус улсын Үндэсний Эрүүл мэндийн хорооноос мэдээлэв.

Мөн халдварын голомт болоод буй Хубэй мужид сүүлийн хоёр хоногт шинээр халдвар авсан тохиолдол бүртгэгдээгүй байна.

Харин пүрэв гарагт  нас барсан 3, сэжигтэй 31 тохиолдол тус тус бүртгэгдсэн бөгөөд тус улсад гадны улс орноос коронавирусний халдвар авч ирсэн нийт 228 тохиолдол бүртгэгдээд байна.