АНУ-ын Ерөнхийлөгч Дональд Трамп коронавирусний тархалтын үед иргэдэд тусламж үзүүлэх хуулийн төсөлд гарын үсэг зурлаа гэж Цагаан ордон мэдээлжээ.

Өмнө нь хуулийн уг төслийг Конгрессын хоёр танхим хоёул баталсан юм. Энэхүү хуулийн хүрээнд коронавирусний халдвар дэгдсэний улмаас хохирсон сая сая америкчуудад тусламж үзүүлэх хэдэн арван тэрбум ам.долларыг улсын төсвөөс гаргах боломжтой болж байна.

Түүнчлэн уг хууль нь хямралд хамгийн их өртсөн хүмүүст ажилгүйдлийн тэтгэмж зэрэг санхүүгийн тусламж үзүүлэн эдийн засгийн зарим хүндрэлийг зөөлрүүлэхэд чиглэгджээ.