Сүүлийн өдрүүдэд БНХАУ-д коронавирусний халдварын улмаас нас барсан хүний тоо 8-аар нэмэгдсэн бол халдвар авсан 819 хүн эдгэрчээ. Тус улсад коронавирусээр халдварласан хүний тоо 34-өөр нэмэгдсэн хэдий ч халдварын голомт болсон Ухань хотод өчигдөр анх удаа ганц ч халдварын тохиолдол илрээгүй тухай тус улсын эрх баригчид өнөөдөр мэдээлжээ.

БНХАУ-д коронавирусээр халдварласан хүний тоо 80.9 мянгад хүрснээс 70.4 мянга нь эдгэрч, 3245 хүн нас баржээ.

Сүүлд мэдээлснээр, тус улсад халдварын нас баралтын түвшин 4 хувьтай байна. Халдвар авсан нийт хүний 87 хувь нь эдгэрчээ. 

Бээжин хотод халдвар авсан хүний тоо 92 байгаа бол Хэйлунзян мужид 7, Хайнанд 1 тохиолдол тус бүр бүртгэгджээ.