Холливудын бас нэгэн од шинэ төрлийн вирусийн халдвар авсанаа мэдэгджээ.

Тодруулбал, жүжигчин Идрис Эльба өчигдөр өөрийн твиттер хуудсаар дамжуулан шинжилгээний хариу нь эерэг гарсан тухай хуваалцжээ. Тэрбээр  "Биеийн байдал хэвийн. Одоохондоо ямар нэгэн шинж тэмдэггүй ч халдвар авсан тул тусгаалагдаад байгаа" хэмээн бичжээ.

Эльба өнгөрсөн Баасан гарагт халдвартай хүнтэй ойр харилцсанаа сүүлд мэдсэн тул шинжилгээ өгөхөөр шийдсэн гэнэ. Халдвар тээгч хэн байсныг тэр дэлгээгүй байна.