Өнгөрсөн ням гаргийн оройны байдлаар Японд коронавирусээр халдварласан хүний тоо  456 болжээ. Үүнээс гадна "Diamond Princess" аяллын хөлөг онгоцон дээр 696 хүн, Хятадын Хубэй мужаас тусгай нислэгээр ирсэн 14 хүн халдвар авчээ. 

Коронавирусээр халдварласны улмаас 14 хүн нас барсны 7 нь "Diamond Princess" хөлөг онгоцны зорчигчид байжээ.

Халдвар авсан хүмүүсийг мужаар авч үзвэл

• Хоккайдод хамгийн олон буюу 101,
• Айчид 70,
• Токиод 64,
• Канагава, Осакад тус тус 41 тохиолдол илэрсэн байна.  

Мөн Эрүүл мэндийн яам болон тусгаарлалтын албаны 11 хүн халдвар авчээ.