Коронавирусний халдварын тархалттай холбогдуулан БНСУ-д зорчсон хүмүүсийг хилээрээ нэвтрүүлэхийг хориглох эсвэл БНСУ-аас ирсэн иргэдийг хөл хорионд оруулах шийдвэрийг  өнөөдрийн байдлаар дэлхийн 92 улс орон гаргажээ.

Сүүлийн хоёр долоо хоногийн хугацаанд БНСУ-д аялсан хүмүүсийг хилээрээ нэвтрүүлэхгүй байх шийдвэрийг  38 улс орон, нутаг дэвсгэр гаргасан байна.

Харин АНУ-ын хувьд БНСУ-д зорчсон хүмүүсийг нэвтрүүлэхгүй байх шийдвэрийг хараахан гаргаагүй байгаа боловч Ерөнхийлөгч Дональд Трамп мягмар гарагт мэдэгдэхдээ, БНСУ-ын нөхцөл байдлыг ажиглаж байгаа бөгөөд хориг тавих эсэхийг одоогийн байдлаар хараахан шийдээгүй байна гэжээ.

БНСУ-д мягмар гарагт коронавирусний халдварын 516 шинэ тохиолдол бүртгэгдсэнээр нийт халдвар авсан хүний тоо 5328 болж, 33 хүн нас барсан байна.