Иранд шинэ коронавирусээр халдварласан хүний тоо нэг өдөрт 385-аар нэмэгдэж 982 болсон  байна.

Мөн уг халдварын улмаас нас барсан хүний тоо 54 хүрчээ.

Коронавирусээр халдварласан тохиолдлууд нийт 31 мужийн 27-д бүртгэгджээ. Үүнээс Техран мужид хамгийн олон буюу 350 тохиолдол илэрсэн байна.

Ираны Засгийн газар халдварын тархалтыг хязгаарлахын тулд баасан гарагт болох шашны цуглааныг цуцлахыг үүрэг болгосон юм.