Италид шинэ төрлийн “COVID-19” коронавирусний халдвар авсны улмаас нас барсан анхны тохиолдол бүртгэгдлээ.  

Венето мужийн Падуа хотын эмнэлэгт хүргэгдсэн 78 настай эрэгтэй нас барсан байна.

Тэрбээр хаанаас халдвар авсан нь тодорхойгүй байгаа бөгөөд түүнтэй хамт 67 настай эхнэр нь өндөр халуунтай эмнэлэгт иржээ. Тэд коронавирусний халдвар авсан эсэх нь эргэлзээтэй байсан, гэвч шинжилгээний хариу гарч онош батлагдсан гэж Венето мужийн захирагч Лука Зайя мэдэгдсэн байна. Энэ талаар  Италийн хэвлэлүүдэд баасан гаргийн орой мэдээлжээ.

Энэ нь Европт коронавирусний халдвар авсны улмаас нас барсан хоёр дахь тохиолдол юм.