Германы төв хэсэгт байдаг Хессен мужийн Ханау хотод гэмт этгээд гал нээсний улмаас 8 хүн амь үрэгдэж, 5 хүн шархадсан байна.

Үл таних этгээдүүд усан тамхины хоёр газарт гал нээсний дараа хотын талбайд гал нээсэн байна. Усан тамхины газарт гэмт этгээдүүд 3 хүний амийг хөнөөжээ.

Гэмт этгээдүүд хэргийн газраас автомашинаар зугтсан бөгөөд Германы тусгай хүчнийхэн мөрдөж эхэлсэн байна. Цагдаа нар хотын замуудыг хааж, мөрдөх ажиллагаанд нисдэг тэрэг ашиглаж байгааг гэрчүүд мэдээлжээ.

Аллагыг ямар зорилгоор үйлдсэн нь тодорхой болоогүй байгаа аж.