Япон улсад шинэ коронавирусийн халдвартай эхний хүн нас барсныг өчигдөр орой зарлажээ.

Энэ нь эх газрын Хятадын гадна халдвартай хүн нас барсан гурав дахь тохиолдол болж байна.

Японы эрүүл мэндийн сайд Кацунобу Катогийн мэдээлснээр, нас барсан хүн нь Канагава мужийн оршин суугч, 80 гаруй насны эмэгтэй аж.

Уг эмэгтэйг өвчний голомт болох БНХАУ-ын Ухань хот руу зорчоогүй, мөн БНХАУ-аас ирсэн хүнтэй харилцсан түүхгүй өвчтөн байсан гэдгийг онцолж байна.

Шинэ төрлийн “коронавирус”-ийн халдвар авсан байсныг нь нас барсных нь дараа баталгаажуулжээ.

Японд өнөөдрийн байдлаар халдвар авсан 247 тохиолдол бүртгэгдээд байгаагийн 218 нь Ёокохамагийн боомтод хөл хорионд оруулаад байгаа усан онгоцны зорчигчид ажээ.