ШАНХАЙ. /Shanghai Daily/. Шанхай хотын оршин суугчид шинэ төрлийн коронавирусээр үүсгэгдсэн уушгины хатгалгааны тархалтыг тогтоон барихын тулд гэрээсээ дор хаяж хоёр долоо хоног гарахгүй байхыг зөвлөжээ.

“Хоёр долоо хоног гэртээ байхыг уриалж байна. Бид гэртээ амарч бус тэмцэж байгаа юм. Гэртээ үлдэж байгаа хэн бүхэн вирустэй тэмцэж байгаа юм” хэмээн Коронавирусний хяналт, урьдчилан сэргийлэх асуудал хариуцсан ажлын тусгай багийн ахлагч Жан Вэньхун зөвлөсөн байна.

"Хамгийн үр дүнтэй эм бол өвчтөний өөрийнх нь дархлаа юм. Бид өвчтөнүүдэд эхний хоёр долоо хоногийн хугацаанд дархлаагаа сэргээхэд нь тусалж байгаа” хэмээн тэрбээр мөн ярьжээ.