БНСУ-ын “Samsung Electronics” компани ухаалаг гар утасны нэгж хариуцсан захирлаар Ро Тае Муныг томилжээ.  

Ингэснээр компанид 20 жил ажилласан туршлагатай тэрбээр Ку Дун Жинийг орлож, дэлхийд тэргүүлэх гар утасны бизнесийг хариуцаж ажиллахаар болж байна.

Ро Тае Мунын хувьд өмнө нь энэ нэгжийн дэд захирлаар ажиллаж байжээ. Ийнхүү тушаал дэвшихийнхээ зэрэгцээ “Samsung Electronics”-ийн Мэдээллийн технологи, гар утасны харилцаа холбооны нэгжийг давхар удирдах юм байна.