АНУ-ын Нисэхийн удирдах газар тус улсын иргэний нисэх онгоцуудыг Ирак, Иранын нутаг дэвсгэр дээгүүр болон Персийн болон Оманы булан дээгүүр нисэхийг хоригложээ.

Ойрхи Дорнодод цэргийн ажиллагаа идэвхжиж, улс төрийн байдал хурцадсантай” холбоотойгоор ийм арга хэмжээ авжээ.

Мөн Сингапурын агаарын тээврийн компани "Бүс нутагт өрнөж буй үйл явдлын улмаас тус компани Ираны агаарын орон зайгаар дамжин Европ хүрэх чиглэлүүдээ өөрчилж байна. Бид нөхцөл байдлыг ажиглаж, шаардлагатай тохиолдолд дараагийн арга хэмжээгээ авна" хэмээн мэдэгджээ.