Казинод хөрөнгө оруулахаар төлөвлөж байсан БНХАУ-ын компаниас авилга авсан байж магадгүй гэж үзэн Японы эрх баригч намын гишүүнийг баривчилсан байна.

Либерал ардчилсан намын гишүүн, дэд сайдаар ажиллаж байсан Цукаса Акимотог 3.7 сая иен буюу 34 мянган ам.долларын хахууль авсан гэж буруутгаж байгаа аж.

Акимото өөрөө үүнийг үгүйсгэж байгаа бөгөөд баривчлагдсаныхаа дараа намаасаа гарчээ.

Түүнд хахууль өгсөн гэгдэх БНХАУ-ын компани нь цахим казиногийн үйл ажиллагаа явуулдаг, Шэньжэнь хотод төвтэй компани гэнэ.

Энэ хэрэгт холбогдуулан “500.com Ltd.” компанийн захирал Жень Ши болон зөвлөхүүд болох Масахико Конно, Кацунори Наказато нарыг мөн баривчилсан байна.