Францын Ерөнхийлөгч Эммануэль Макрон тус улсын төрийн бүх тэргүүнд бүрэн эрхийнх нь хугацаа дууссаны дараа олгодог ерөнхийлөгчийн тусгай тэтгэврээс татгалзжээ.

Тэрбээр тэтгэврээс татгалзаад зогсохгүй, ерөнхийлөгчийн тэтгэмжийг улс орны тэтгэврийн тогтолцоотой уялдуулахаар төлөвлөж байна гэж Францын Ерөнхийлөгч мэдэгджээ.

Макроны энэхүү шийдвэр нь Франц улсын ирээдүйн Ерөнхийлөгч нарт нөлөөлж магадгүй байна.

Францын Ерөнхийлөгч байсан хүмүүс сард 6000 еврогийн тэтгэвэр авдаг аж.

Сонирхуулахад, Макрон мөн Үндсэн хуулийн шүүхийн гишүүн болохоос татгалжээ. Францын Ерөнхийлөгчөөр ажиллаж байсан хүмүүс сард 13.5 мянган еврогийн цалинтайгаар насан туршдаа Үндсэн хуулийн шүүхийн гишүүн болдог аж.