Финланд улсын Сайд нарын танхимыг /Засгийн газар/ энэ жил 34 настай Санна Марин хэмээх эмэгтэй удирдахаар болсон талаар бид өмнө мэдээлсэн.

Санна Марин 34 настайдаа Ерөнхий сайд болсноороо “Хамгийн залуудаа гүйцэтгэх засаглалыг тэргүүлсэн” дэлхийн дээд амжилтыг тогтоож байгаа аж.

Санна Марин 1985 онд Хельсинки хотод төрсөн бөгөөд ижил хүйстэн гэр бүлд өсчээ. Марин ижил хүйстэн ээжтэйгээсээ болж нийгмийн ялгаварлалд өртөж байсан тухайгаа хэвлэлд бичиж  байжээ. Өдгөө тэрбээр нөхөр, хүүхдийн хамт амьдардаг аж. 

Дэлхийн хамгийн залуу Ерөнхий сайд Санне Марин удирдлагын ухааны бакалавр зэрэгтэй, улс төрийн гараагаа харьцангуй эрт эхлүүлсэн нэгэн юм байна.

2013 онд Тампере хотын Зөвлөлийн дарга болсноор улс төрийн дээд өндөрлөгт гарч иржээ. 2014 онд Социал демократ намын дэд дарга болж, 2015 онд Парламентад сонгогджээ.  

Харин өнгөрөгч зургаадугаар сард Финландын Тээвэр, харилцаа холбооны сайдаар томилогджээ.