ОХУ-ын Ерөнхийлөгч В.Путин Хамтын аюулгүй байдлын гэрээний байгууллагын /ХАБГБ/ гишүүн орнуудын удирдагчдын уулзалтад оролцохоор Киргизийн нийслэл Бишкек хотод хүрэлцэн очжээ.

Нисэх онгоцны буудалд түүнийг Киргизийн Ерөнхийлөгч Сооронбай Жээнбеков угтан авсан байна.

ХАБГБ-ын энэ удаагийн уулзалтаар Тажик-Афганистаны хилийг бэхжүүлэх асуудал, терроризмтой тэмцэх стратегийг хэрэгжүүлэхэд НҮБ-тай хамтран ажиллах, ХАБГБ-ын гишүүн орнуудын гадаад бодлогын үйл ажиллагааг зохицуулах зэрэг  нийтдээ 17 асуудлыг хэлэлцэнэ.

ХАБГБ-ын дээд байгууллага болох Хамтын аюулгүй байдлын зөвлөлийн хуралдааныг Киргизийн Ерөнхийлөгч Сооронбай Жээнбеков даргалан явуулах юм байна.