Бельгиэс Их Британи руу нэвтэрсэн ачааны машины чингэлэг дотроо хөлдөж нас барсан байдалтай 39 цогцос олдсон тухай өмнө нь мэдээлж байсан.Тэгвэл амиа алдсан иргэд хятад хүмүүс байсан гэж Их Британий цагдаагийн газар мэдээллээ. Тэдний найм нь эмэгтэй, 31 нь эрэгтэй байжээ. 

БНХАУ-ын Гадаад хэргийн яам уг мэдээллийг үнэн болохыг баталсан ч дэлгэрэнгүй мэдээлэл өгөх боломжгүй гэв. Үүнээс үзэхэд хохирогчид Хятадын хойд хэсэгт амьдардаг уйгур үндэстнүүд байх магадлалтай гэнэ.  Туркээр дамжин Европын орнууд руу ирэх хүсэлтэй Уйгурын дүрвэгчид хүний наймааны золиос болох нь олонтаа. 

Бельгийн Зийбругге хотоос хөдөлсөн чиргүүл лхагва гарагийн шөнө 00:30 минутад Темза мөрний эрэг дээрх Пөрфлийт боомтод ирсэн байна. Улмаар 01:05 минутад хөдөлж Грэйсийн Вотерглэйд аж үйлдвэрийн паркад ирж зогсох үед буюу 30 минутын дараа түргэн тусламжийн ажилтан хөргүүртэй ачаанаас цогцоснуудыг олсон юм.

Ачааны тэрэгний жолооч Мо Робинсоныг хүн амины гэмт хэргийн сэжигтнээр татаж саатуулаад байна.