БНХАУ-ын Үндэсний баяртай зэрэгцэн хонгконгчууд дахин жагсаж магадгүй гэж албаныхан болгоомжилж байна. Дөрвөн сар гаруй үргэлжилсэн жагсаал илүү хурцадмал байдалд шилжиж магадгүй гэж ажиглагчид таамаглаж байгаа аж.

БНХАУ-ын Үндэсний баяртай зэрэгцэн Хонгконгт хамгийн багадаа 100 мянган хүн жагсаж магадгүй байна. Түүнчлэн үүсэж болзошгүй нөхцөл байдлаас сэргийлэхийн тулд Хонгконгийн Засаг захиргаа ёслолын буудлагыг цуцалж, хамгаалалтыг чангатгаж, жагсаал зохион байгуулахыг хориглох шийдвэр гаргаад байгаа аж.