Машин бол зөвхөн тээврийн хэрэгсэл гэдэг ойлголт нэгэнт ард үлджээ. Авто машины ертөнцөд дараах 5 загварын төмөр хүлэгүүд хамгийн үнэтэй машинд тооцогдож байна. Эдгээр машинууд нь маш цөөн тоогоор үйлдвэрлэгдсэн ба тав тух, супер хөдөлгүүр, өвөрмөц загвар зэргээс хамааран асар их үнээр үнэлэгдэж байгаа аж. Тиймээс ч олон нийтэд хүрэхээсээ өмнө дуудлага худалдаагаар чинээлэг цуглуулагч нарт зарагдан дуусдаг байна. 

1. 1. BUGATTI’S LA VOITURE NOIRE

Энэхүү хар өнгийн урлагийн бүтээл нь хурд хүч, технологи, тансаг байдлын цогц юм. Та энэ машины авахыг хүсэж байна уу? Харамсалтай нь танд мөнгө байж болох ч энэхүү загварыг цор ганцыг үйлдвэрлэсэн.

Үнэ: 19 сая доллар буюу 50 тэрбум төгрөг

1. 2. ROLLS ROYCE SWEPTAILS 

Rolls Royce бол тансаг зэрэглэлийн үнэтэй машин үйлдвэрлэгч гэдгээрээ танигдсан брэнд. Түүний нэгэн тансаг зэрэглэлийн автомашин Sweptails нь 2 хүний суудалтай, гараар бүтээгдсэн бөгөөд захиалагчийн хүсэлтээр 5 орчим жил урлаж буй давтагдашгүй бүтээл юм. Машины салоны хэсгийг мод болон савхи оролцуулан хийсэн нь үнэхээр гайхалтай. Мөн энэхүү машиныг 1920, 1930 оны загвар дээр суурилан урласан бөгөөд ард талаасаа дарвуулт завь шиг харагддаг байна.

Үнэ: 13 сая доллар буюу 35 тэрбум төгрөг

3. KOENIGSEGG CCXR TREVITA

Жинхэнэ алмазаар бүрсэн энэхүү өвөрмөц загварын машинаас ердөө 2 ширхэгийг үйлдвэрлэсэн байна. Учир нь алмазаар машиныг бүрэхэд асар их цаг хугацаа, хүч оржээ. Сонирхуулахад, энэхүү машины нэгийг дэлхийн дунд жингийн боксын аварга асан Floyd Mayweather эзэмшдэг аж.

Үнэ: 4.8 сая доллар буюу 12.7 тэрбум төгрөг

4. LAMBORGHINI VENENO ROADSTER

Lamborghini Veneno Roadster бол зам дээр нисдэг машин гэсэн үг. Ердөө 2.9 сэкудэд 96км/цагийн хурдтай давхиж чадна. Энэхүү машин нь 50 дахь жилийн ойд зориулагдаж ердөө 9 ширхэг үйлдвэрлэгдсэн байна.

Үнэ: 4.5 сая доллар буюу 12 тэрбум төгрөг

5. MCLAREN P1 LM

MCLAREN P1 LM  загварын төмөр хөлөг нь 1000 морины хүчтэй V-8 хөдөлгүүртэй бөгөөд ердөө 5 ширхэг үйлдвэрлэгдсэн.

Үнэ: 4.8 сая доллар буюу 12.7 тэрбум төгрөг