АНУ-ын Ерөнхийлөгч Дональд Трамп Афганистаны Ерөнхийлөгч Ашраф Гани болон "Талибан" хөдөлгөөний гол удирдагчидтай өчигдөр хийхээр товлож байсан нууц хэлэлцээгээ цуцалсан байна. 

"Кабул хотод болсон дэлбэрэлтийн улмаас 12 хүн амиа алдсаны дунд Америкийн цэрэг байсантай холбоотойгоор ням гарагийн хэлэлцээг цуцалсан. Уг халдлагын хариуцлагыг "Талибан" хөдөлгөөн хүлээсэн" тухай Д.Трамп бямба гарагийн орой твиттер хуудсандаа жиргэжээ.

Афганистанаас АНУ-ын 14 мянган цэргийг гаргах төлөвтэй байсан уг гэрээ АНУ-ын түүхэн дэх хамгийн урт дайныг дуусгах байсан юм. 2001 оноос хойш Афганистанд 150 мянган хүн амиа алдсанаас 40 мянган энгийн иргэн амь үрэгджээ.