Бразилийн эрх баригчид Венесуэлийн Ерөнхийлөгч Николас Мадурогийн Засгийн газрын өндөр албан тушаалтнуудын эсрэг дангаар хориг арга хэмжээ авахаар бэлтгэж байна гэдгээ  Бразилийн Гадаад хэргийн сайд Эрнесту Араужу олон улсын бага хурлын үеэр мэдэгдэх төлөвтэй байна. 

Тодруулбал,  Венесуэлийн албан тушаалтнуудын нэрсийн жагсаалтыг тус улсын Гадаад хэргийн яам болон Хууль зүйн яам бэлтгэж байгаа бөгөөд жагсаалтад багтсан хүмүүсийг Бразил руу зорчихыг хориглох аж.  

Венесуэлийн сөрөг хүчний удирдагч Хуан Гуайдо өнгөрсөн 1 дүгээр сарын 23-нд өөрийгөө түр ерөнхийлөгчөөр зарласнаас хойш тус улсад нийгэм эдийн засгийн нөхцөл байдал улам хүндэрсэн байна. Тус улсыг 4 сая гаруй хүн орхин явжээ.