Иран улс Хятадын иргэдэд зориулж визгүй зорчих горимыг дангаар нэвтрүүллээ хэмээн Хятад улсаас Иран улсад суугаа Элчин сайдын яам өнгөрсөн мягмар гарагт мэдэгдсэн байна.

Тодруулбал, БНХАУ-ын болон БНХАУ-ын Засаг захиргааны онцгой бүс Хонконг болон Макаогийн паспорттой иргэд жуулчны болон ажил хэргийн шугамаар Иранд 21 хоногийн хугацаанд визгүй зорчих эрхтэй болж байгаа аж.