БНХАУ-ын Ерөнхийлөгч Ши Жиньпин БНАСАУ-д хийж буй айлчлалынхаа үеэр "Солонгосын хойгт цөмийн зэвсэг үл дэлгэрүүлэх асуудалд эерэг үүрэг гүйцэтгэнэ" гэж мэдэгдлээ. 

Харин Ким Чен Уны зүгээс БНХАУ-ын туршлагаас суралцаж, эдийн засгийн хөгжил, иргэдийн амьжиргаанд анхаарах хүсэлтэй байгаагаа мэдэгдсэн байна. 

Энэ онд БНХАУ болон БНАСАУ-ын хооронд дипломат харилцаа тогтоосны 70 жилийн ой тохиож байна. Үүнтэй холбогдуулан хоёр тал цаашид боловсрол, эрүүл мэнд, спорт, хэвлэл мэдээлэл, оюутан залуус солилцох хөтөлбөр хэрэгжүүлж, хамтран ажиллахаар харилцан тохиролцжээ.