БНХАУ-ын Ерөнхийлөгч Ши Жиньпиний БНАСАУ-д хийх айлчлал өнөөдөр эхэллээ. Энэхүү айлчлал БНХАУ-ын Ерөнхийлөгчийн хувьд сүүлийн 14 жилд анх удаа Пхеньянд айлчилж буй гэдгээрээ онцлог юм.

Ши Жиньпиний айлчлалын хамгийн гол зорилго зогсонги байдалд орсон Америк, Умард Солонгосын цөмийн хөтөлбөрийн хэлэлцээрийг дэмжих юм. Ирэх долоо хоногт Япон улсад Бүлэг 20 орны дээд хэмжээний уулзалт болох гэж байна. Дээд хэмжээний уулзалтын үеэр Америкийн Ерөнхийлөгч Дональд Трамп, Хятадын дарга Ши Жиньпин нар худалдааны зөрчлийн талаар яриа хэлэлцээ хийх нь тодорхой болоод байгаа.