АНУ-ын Ерөнхийлөгч Д.Трамп 2020 онд болох Ерөнхийлөгчийн сонгуульд нэр дэвшинэ гэдгээ албан ёсоор мэдэгдлээ. Тэрээр Флорида мужийн Орландо хотноо дэмжигчидтэйгээ уулзах  үеэр “2016 онд бид түүхэнд орох үйлс бүтээсэн. 2020 онд ч үүнийгээ давтах болно” гэж тэрээр хэлжээ.

Флорида муж улсын иргэд түүнийг тогтвортой дэмжиж байдгийн зэрэгцээ өнгөрсөн 11 дүгээр сард явуулсан муж улсын захирагч, сенатчийн сонгуульд Бүгд найрамдах намынхан илт давуу ялалт байгуулжээ.