АНУ-ын Ерөнхийлөгч Дональд Трамп төрийн айлчлал хийхээр бямба гарагт Япон улсад хүрэлцэн очжээ. Түүний айлчлал тавдугаар сарын 28 хүртэл үргэлжилэх юм байна.

Трамп бямба гарагт бизнес эрхлэгчдийн төлөөлөгчидтэй уулзжээ. Тэрбээр ням гарагт Японы Ерөнхий сайд Абэ Шинзотой гольф тоглож, орой нь хамтдаа сүмо бөхийн барилдааныг үзсэн байна.

АНУ-ын Ерөнхийлөгчийн айлчлалын  гол хөтөлбөр тавдугаар сарын 27-нд буюу өнөөдөр эхэлнэ. Тэрбээр энэ өдөр Японы Ерөнхий сайдтай хэлэлцээ хийж, тавдугаар сарын 1-нд хаан ширээнд заларсан шинэ эзэн хаан Нарүхитод бараалхах юм.