Тавдугаар сарын 23-наас 26-ны өдрүүдэд болох Европын Парламентын сонгуульд эстоничууд анх удаа онлайнаар саналаа өгөх гэж байна. 1.3 сая хүн амтай Эстони улсын зургаан төлөөлөгч Европын 751 суудалтай Парламентын нэг хэсэг болно.

2007 онд ОХУ-тай харилцаа хурцдаж, ОХУ-ын IP хаягтай төхөөрөмжөөс Эстонид цахим халдлага хийж байжээ. Түүнээс хойш тус улс цахим орчны аюулгүй байдлаа сайжруулж, иргэдээ дэвшилтэт технологид суурилсан үнэмлэхтэй болгосон байна. Энэхүү үнэмлэх нь онлайнаар санал өгөх боломж олгохоос гадна дижитал гарын үсгийг орлож, татвар төлөх, эрүүл мэндийн үйлчилгээ авах нөхцөлөөр хангажээ.