БНХАУ-д өнгөрсөн сард “Wikipedia” цахим хуудасны бүх хэлээрх хувилбарыг ашиглахыг хориглосон гэж “Wikimedia” сан албан ёсоор мэдээлжээ. Өмнө нь тус улсад “Wikipedia” цахим хуудасны Хятад хэлээрх хувилбар руу нэвтрэхийг хориглодог байсан боловч уг шийдвэр өргөжсөн нь энэ аж.

"Хятад улсад “Wikipedia” цахим хуудсыг ашиглах боломжгүй болсныг бид дөрөвдүгээр сарын сүүлээр олж тогтоолоо. Дотоодын сүлжээний мэдээллийг хянасны дүнд тус улсад “Wikipedia”-гийн бүх хэлээрх хувилбарт нэвтрэх боломжгүй болсныг албан ёсоор мэдэгдэж байна." гэж “Wikimedia” сангийн мэдэгдэлд дурдсан байна.