Япон улсын угсаа залгамжлах хунтайж Нарухито өчигдөр /2019.05.01/ хаан ширээнээ заларч тус улсын 126 дахь эзэн хаан боллоо. Өдгөө 59 настай Нарухито нь өөрийн хүсэлтээр хаан ширээнээс буусан Акихито хааны ууган хүү юм. 

Токио дахь Хааны ордонд Нарухито үе уламжилж ирсэн хаан төрийн тамга, илд эрдэнэсийг хүлээн авчээ. 

Нарухито нь 28 настайдаа угсаа залгамжлах ханхүүгээр нэрлэгдэж байсан юм. Дэлхийн шилдэг их сургуулиудын нэгд зүй ёсоор тооцогддог Оксфордын их сургуульд боловсрол эзэмшжсэн тэрбээр 1986 онд  гэргий Масако Овадатайгаа танилцсан байна.