Японы эзэн хаан Акихито өчигдөр орой хаан ширээнээсээ бууж, гучин жил үргэлжилсэн Хэйсэйн эрин дуусгавар боллоо. Энэхүү түүхэн үйл явдлын дараа түүний ууган хүү, угсаа залгамжлах хунтайж Нарүхито тавдугаар сарын 1-нд буюу өнөөдөр хаан ширээнд сууна.

Эзэн хаан Акихитогийн хаан ширээнээс буух ёслол  Эзэн хааны ордонд болсон бөгөөд Ерөнхий сайд Шинзо Абэ ард түмнийг төлөөлөн түүнд талархал илэрхийллээ. Үүний дараа Акихито эзэн хааны хувиар сүүлчийн удаа ард түмэндээ хандан үг хэлжээ.

Эзэн хаан амьд ахуйдаа хаан ширээнээсээ бууж буй тохиолдол сүүлийн 200 гаруй жилийн хугацаанд гарч байгаагүй ажээ.