Хойд Солонгосын удирдагч Ким Жон Ун ОХУ-ын ерөнхийлөгч Владимир Путинтэй уулзахаар ОХУ-д айлчлах болсон тухай “KCNA” агентлаг мэдээллээ.

Дөрөвдүгээр сарын сүүлээр Владивостокт уулзах төлөвтэй байгааг Кремлиний талаас мэдэгдэв.

ОХУ болон барууны орнуудын харилцаа 2000 оноос муудаж эхэлсэн билээ. Сөүлийн “Kookmin” их сургуулийн профессор Андрей Ланков “Энэ үед Москвагийн ар тал болох улс байх нь зүй ёсны хэрэг. ОХУ-ын талаас дайсны дайсан бол манай найз гэх логиктой бодлого баримталж байна” хэмээн тайлбарлажээ.