АНУ-ын Батлан хамгаалахын сайд Жим Мэттис ирэх хоёрдугаар сард үүрэгт ажлаа хүлээлгэн өгөх болжээ. 

Ерөнхийлөгч Дональд Трамптай цаашдын бодлого чиглэлийн талд санал зөрүүтэй байгаа нь албан тушаалаасаа огцрох шалтгаан болсныг тэрбээр онцолжээ. Дональд Трамп “Исламын улс” бүлэглэлийг бүрэн дарсан тул Сириэс цэргээ эргүүлэн татах болсноо өмнөх өдөр нь мэдэгдээд байсан юм. Харин Жим Мэттис энэхүү шийдвэрт шүүмжлэлтэй хандаж байгаа төдийгүй Ерөнхийлөгчид хандаж бичсэн хоёр хуудас захидалдаа "NATO болон “Исламын улс” бүлэглэлийн эсрэг 74 улсын эвсэлд АНУ-ын оролцоо, манлайлал хэчнээн чухал болох"-ыг цохон тэмдэглэжээ.