ОХУ-ын Ерөнхийлөгч Владимир Путины жил бүр сэтгүүлчидтэй хийдэг хэвлэлийн бага хурал удахгүй эхлэх гэж байна.

Энэ жилийн арга хэмжээ уламжлал ёсоор Ерөнхийлөгч сэтгүүлчидтэй шууд харилцан яриа өрнүүлэх байдлаар явагдана гэдгийг Кремлийн хэвлэлийн төлөөлөгч Дмитрий Песков мэдэгдлээ. Владимир Путины сэтгүүлчидтэй хийсэн анхны хэвлэлийн бага хурал 2001 онд болж байсан аж. Тухайн үед 35 минут үргэлжилсэн хурлыг сурвалжлахаар 500 гаруй сэтгүүлч оролцож байжээ. Харин энэ оны хувьд 1702 сэтгүүлч арга хэмжээнд оролцлох юм байна. Үргэлжлэх хугацааны хувьд олон жилийн дунджаар гурван цаг орчим байгаа аж. Харин хамгийн урт хэвлэлийн хурал 2008 онд 4 цаг 40 минут үргэлжилж байжээ.