Францын хойд хэсэгт байрлах Страсбург хотноо халдлага болсон талаар "Ройтерс" агентлаг мэдээллээ.

Уг халдлагын улмаас хоёр хүн амиа алдаж, зургаан хүн шархадсан гэж Цагдаагийн газраас уламжлав.  Шархадсан хүмүүсийг эмнэлэгт хүргэж, эмчилгээ хийлгэж эхэлжээ.

Зул сарын худалдаа болж байсан захын ойролцоо нэгэн этгээд иргэд рүү гал нээсэн байна. Гэмт этгээд цагдаа нартай буудалцах үеэрээ хүнд шархадсан талаар Францын Прокурорын газраас мэдэгджээ.

Прокурорууд Стасбург хотноо болсон халдлагатай холбогдуулан хавтас хэрэг нээж, шалгаж эхэлсэн талаараа хэвлэлийн хурлын үеэр дуулгав.

Францын Дотоод хэргийн сайд Кристофер Кастанер твиттер хуудастаа "Иргэдийн амь нас, аюулгүй байдлыг нэгт тавьж, ажиллах хэрэгтэй" хэмээн жиргэжээ.