Британийн Times Higher Education (THE) хэвлэлээс төгсөгчдийнх нь ажлын байранд гарах үзүүлэлтээрээ дэлхийд тэргүүлдэг их, дээд сургуулиудын жагсаалтыг гаргажээ. Дэлхийн 22 улсын ажил олгогчдын санаа бодол дээр тулгуурлан гаргасан уг жагсаалтад 150 шилдэг сургуулийг багтаасан байна. 

Жагсаалтын эхний гурван байрт Харвардын их сургууль, Калифорнийн технологийн дээд сургууль, Массачусетсийн технологийн дээд сургууль орсон аж. Харин топ-10-т Британийн Кембрижийн их сургууль, Германы Мюнхений техникийн их сургууль, Токиогийн их сургууль багтжээ.