Ангела Меркель 2021 онд болох Германы канцлерийн суудалд өрсөлдөхгүй гэдгээ өчигдөр мэдэгдлээ.

Тэрбээр Берлин хотод болсон хэвлэлийн бага хурлын үеэр “Би 2021 оны сонгуульд Германы Канцлер болон Христийн Ардчилсан Намын даргын суудалд нэрээ дэвшүүлэхгүй. Цаашид улс төрийн албан тушаалын төлөө өрсөлдөхгүй” хэмээн хэлсэн байна.

Өнгөрсөн ням гарагт Германы Гессен мужид болсон орон нутгийн сонгуулиар түүний даргалдаг ХАХ нам олон санал алдан, хүнд цохилтод орсон байна. Түүний гаргасан шийдвэр тус сонгуультай холбоотой гэж үзэж байгаа аж. ХАХ нам сонгогчдын 27 хувийн санал авсан бол Германы Социал-Демократ нам 19,8 хувь, “Ногоон нам” 19,8 хувийн саналыг авчээ.