АНУ-ын Ерөнхийлөгч Дональд Трамп сураггүй алга болсон сэтгүүлч Жамал Хашоггигийн асуудлаар Төрийн нарийн бичгийн дарга Майкл Помпеог Саудын Араб руу илгээлээ.

Дональд Трамп Саудын Арабын хаан Салман бин Абдулазизтай утсаар холбогдсон байна. Сэтгүүлч Жамал Хашоггигийн сураггүй алга болсон хэргийг шалгах дотоод мөрдлөгийн ажлыг Саудын Араб эхлүүлээд байгаа аж. Харин Туркийн тал сэтгүүлчийг Саудын Арабын дипломат төлөөлөгчийн газарт хөнөөсөн байж болзошгүй гэж таамаглаж байгаа юм.