Michael Kors брэнд тансаг зэрэглэлийн хувцас, аксесуар үйлдвэрлэгч Versace загварын ордныг 2 тэрбум ам.доллараар худалдан авчээ. Эх сурвалжийн мэдээллэж буйгаар Versace брэндийн бүтээлч захирал Донателла Версаче, гүйцэтгэх захирал Санто Версаче нар албан тушаалаа хадгалж үлдэхээр болжээ. 

Лондонд төвтэй Michael Kors өнгөрсөн жилийн долоодугаар сард тансаг зэрэглэлийн гутал, цүнх гаргадаг Jimmy Choo брэндийг 1.35 тэрбум ам.доллараар худалдан авсан бөгөөд мэргэжилтнүүд энэхүү үйлдлийг Kering ба LVMH-ийн хэмжээнд хүрэхүйц загварын групп үүсгэх анхны алхам хэмээн үзсэн юм.