БНАСАУ-ын удирдагч Ким Чен Ун “Түүхэн уулзалт”-аар баталсан баримт бичгийн хэрэгжилтийг "Шат дараатайгаар хангаж ажиллана" гэдгээ мэдэгджээ. Тэрбээр "Хэрэв хоёр тал Сингапурт өгсөн амлалтаа биелүүлж, цөмийн зэвсэггүй бүс бий болгож чадвал хөгжил цэцэглэлтийн шинэ үүд нээгдэнэ" гэж БНХАУ-д айлчлах үедээ онцолжээ. Өнгөрсөн долоо хоногт болсон “Түүхэн уулзалт”-аар баталсан тунхаг бичигт Солонгосын хойг хэзээ цөмийн зэвсэггүй бүс болох талаар дурдаагүй. Гэхдээ Ким Чен Уны байр суурь Дональд Трампын ойрын хугацаанд баримт бичгийн хэрэгжилтийг хангана гэсэн байр суурьтай зөрчилдөж байгааг ажиглагчид онцолж байгаа юм.