Их Британийн ерөнхий сайд Дэвид Камерон нэр хүнд нь унасан гурван сайдаа сольж, шинээр хоёр ч эмэгтэй сайдыг танхимдаа оруулжээ. Ерөнхий сайд халаа сэлгээ хийх болсон шалтгаанаа улс орны гадаад бодлого, боловсролын салбарыг шинэчилж чадах хүмүүсийг томилох шаардлагатай болсон гэж тайлбарлажээ. Камероны энэ үйлдэл нь 10 сарын дараа болох парламентын сонгуульд түүний намын ялах магадлалыг өсгөж байгаа талаар ажиглагчид онцолж байна. Учир нь Камероны тэргүүлдэг Консерватив намын нэр хүнд гол сөрөг хүчин болох Хөдөлмөрийн намаас өндөр байгаа гэнэ.