Европын Холбооны Дээд шүүх Францын загвар зохион бүтээгч Кристиан Лубутений “улаан ултай гутал”-ыг худалдааны тэмдэгтээр бүртгэх шийдвэр гаргасан байна.Ингэснээр Кристиан Лубутен “улаан ултай гутал”-ын худалдааны тэмдэгтийг эзэмшиж, энэ төрлийн гутлын зах зээлд монополь үйлдвэрлэгч болно гэж шинжээчид онцолсон байна.

Кристиан Лубутен Нидерландын “Van Haren” компанийг ижил загварын гутал үйлдвэрлэж, зах зээлд нийлүүлэхээс сэргийлэх зорилгоор Нидерландын шүүхэд хандсан аж. Энэхүү загварын гутлыг одууд ихэвчлэн улаан хивсний ёслолд оролцохдоо өмсдөг, эрэлт өндөртэй тансаг зэрэглэлийн бүтээгдэхүүн юм байна. Нидерландын Шүүх Европын Шүүхийн шийдвэрт үндэслэн дараагийн шийдвэрийг гаргахаа мэдэгджээ.