Вашингтонд хоёр өдөр уулзсан Хятад, АНУ-ын засгийн газрын төлөөлөгчид уржигдар буюу Бямба гарагт хамтарсан мэдэгдэл гаргажээ.

Хэлэлцээрийн үр дүнд Хятад улс худалдаж авдаг Америк бараа бүтээгдэхүүнээ нэмэгдүүлэх замаар АНУ-ын худалдааны алдагдлыг бууруулах тохиролцоонд хүрсэн байна. Ингэхдээ хөдөө аж ахуй, эрчим хүчний салбараас голлон импортоо нэмэгдүүлэхээр болжээ.

Ингэснээр дэлхийн хамгийн том эдийн засагтай хоёр гүрний хооронд худалдааны дайн дэгдэх аюулаас зайлсхийж байна.