АНУ-ын Ерөнхийлөгч Доналд Трамп Хойд Солонгосын удирдагч Ким Жон Унтай Сингапурт уулзахаар болсон талаар БНСУ-ын хэвэлэлүүдэд бичжээ. Цагаан ордны эх сурвалжаас авсан гэсэн тайлбартай уг мэдээлэлд “Удирдагчид Сингапурт уулзахаар болжээ. Хугацааны хувьд, зургадугаар сарын дундуур байна” гэж бичсэн байсан аж. Франс пресс агентлаг мөн уг мэдээллийг Д.Трампын Аюулгүй байдал хариуцсан зөвлөх Жон Болтоноос авсан гэсэн тайлбартайгаар цацсан байна. 

Өмнө нь энэхүү уулзалтыг зохион байгуулах боломжтой газраар Монгол, Швейцарь, Панмунжом тосгоныг нэрлэж байсан билээ. Гэхдээ Цагаан ордноос энэ талаар албан ёсны мэдээлэл хийгээгүй байна.