“Marvel Comics”-ийн супер баатруудын нэгдэл “Avengers”-аас сэдэвлэн бүтээсэн "Avengers: Infinity War" кино “Box Office”-ийн жагсаалтыг дахин тэргүүллээ. “Comscore”-ийн мэдээлснээр "Avengers: Infinity War" кино өнгөрсөн долоо хоногт Хойд Америкийн кино театруудаас 112.4 сая ам.долларын орлого олсон байна. Харин олон улсаас олсон орлого нь 1.1 тэрбум ам.доллар давжээ. Өмнө нь ямар ч кино ийм богино хугацаанд дээрх хэмжээний орлого олж байгаагүй аж. Энэ нь нээлтээ хийсэн даруй үзэгчдийг байлдан дагуулсан 2016 онд нээлтээ хийсэн "Captain America: Civil War" болон 2012 оны "The Dark Knight Rises" киноны амжилтыг давсан үзүүлэлт болж байна.

Үүнээс гадна өнгөрсөн долоо хоногт шинээр нээлтээ хийсэн “Lionsgate Films”-ийн романтик, инээдмийн төрлийн "Overboard" кино 14.7 сая ам.долларын орлогоор “Box Office”-ийн жагсаалтыг удаалжээ.

Харин таван долоо хоногийн өмнө нээлтээ хийсэн “Paramount Pictures”-ийн бүтээл аймшгийн төрлийн "A Quiet Place" кино 7.6 сая ам.долларын орлогоор жагсаалтын гуравдугаарт бичигдэж байна. "A Quiet Place"-ийн олон улс дахь орлого 255 сая ам.доллараар хэмжигдэж байгаа нь "Get Out" киноны орлогоос давсан дүн болжээ. Энэхүү кино БНХАУ-д энэ сарын 18-нд нээлтээ хийнэ.

Н.Номин-Эрдэнэ

Холбоо барих: nominerdene.n@bloombergtvmongolia.com

minjma.g@bloombergtvmongolia.com